PURAHÉI PAHA
Recitado
Péina ipahaite aropurahéita ndéve che yvoty
sapy’a reíntemo aha amarro ha ndajerevéi
pyhare pyte rehenduha óra ku musikapu
eremikena oikomiva’ekue chemoakãnundu.
Pytumby jave ne angue mombyry ojechauka chéve
ohekýi haguã ko che korasõgui mba’e mbyasy
mombyry guive ahesa’yĩjo ñane mborayhu
aipovã haguã ne mborayhupápe purahéi paha.
No olvides mujer
mi nombre y mi amor
que llevo la cruz
de un hondo dolor.
Sapy’a reínte reikuaaha óra ku amanohague
yvytu pepo oguerúne ndéve che puraheikue
ha ne ñañuãvo oipejuva’erã ku che rataindy
ombogue haguã ne mborayhumi che resape’a.
O ikatu põrã ajevy jey ko’ẽramoite
añotỹ haguã ne rovetã guýpe che kusuguemi
ha upépe eréne nañañaiguiha la asẽ aju
añembyesaráivo anga nde hegui che mborayhumi.
Música: José Asunción Flores
Fuente: LAS VOCES DE LA MEMORIA - TOMO VII
HISTORIAS DE CANCIONES POPULARES PARAGUAYAS
Autor y ©: MARIO RUBÉN ÁLVAREZ
Edición del autor y Julián Navarro Vera
Dibujo de tapa: CALO
Diseño de tapa: Isaac Duré Giménez
Editora Litocolor S.R.L.
Asunción-Paraguay 2007
ENLACE A LA GALERÍA DE MÚSICA PARAGUAYA
EN PORTALGUARANI.COM
(Hacer CLICK sobre la imagen)
MÚSICA PARAGUAYA - Poesías, Polcas y Guaranias - ESCUCHAR EN VIVO - MP3
MUSIC PARAGUAYAN - Poems, Polkas and Guaranias - LISTEN ONLINE - MP3
