AKOIPA NEMANDU’A y KUÑA MIMBIPA
LETRAS DE MÚSICA PARAGUAYA
DE EZEQUIEL GONZÁLEZ ALSINA
AKOIPA NEMANDU’A
Nga’u chéicha nde avei reiko
Neaño tesaraipaha jave
Ha ou tory mombyry ãngue
Nde ahy’o reka, nembojahe’o
Ñembyasy pepo oúne oñami
Nde puka yvoty, nde vy’a sakã
Jasy jepeve hatĩne avei
Oikaraĩ haguã vy’a’ỹ rugua
Rehoguivetente nde ipiru
Vy’a ahecha vaekue hoky
Ako jejueka puku rire
Nde rupi heñoirõ guare juayhu
Nde réra ahenói che ruguy poty
Che ahy’o ñopũ ne ñe’ẽnguemi
Kane’õicha oiko che py’a jopy
Ñande vy’are ykua yvu sati.
EZEQUIEL GONZÁLEZ ALSINA
EMILIO BOBADILLA CÁCERES, música.
KUÑA MIMBIPA
Lucero reindy che ahayhúva peguarã
Kuña mimbipa ãnga morotĩme reñembo yvotýva
Kuarahy rendýicha nde puka rerúva che moingoveha
Purahei pyahúpe nde réra amuasaĩta toikuaa ohendúva
Che rape ypytũme reguejy hague che rataindyrã.
Tupã omosãmba ha ipu asyvéva arpa karaígui
Che ahy’ope arúma tesarairã’ỹva romonde haguã
Romoporãvevo yvytu pepógui ha yvoty ryakuãgui
Jasy rendyetegui jepokapyre che mbaraka sã
Kuña morotĩ ãnga mirabipápe reñemboyvotýva
Tesa’ỹi hovýpe eréma rejúvo che mba’erãha
Kyrỹi maymárõ che ruguy ruguápe remoñe’ẽmbava
Ñasena ojopógui tape yvatevére jaha jaguata
Yvoty oikuaáva mborayhugui guápe aporandupáma
Añetépa pina ko vy’a heñoiva purahei meme
Ha oguepaha che pópe opytáva ñembo’ẽrõ guáicha
Pejuayhu vaerãgui peju ojo tapépe he’i katuete
Tape ñarõvere aikuárõ guaicha hetáma aipykúiva
Nde pópe rerúva ñandejára etégui pytu’u reka
Ha neapysãnguévo kuarahy pyahúicha añandu ivevuíma
Che rejase’ỹgui che ãngare oikóva kane’õ ñana
Kuña mimbipa ãnga morotĩme reñembo yvotýva
Na torohenóinaha che korasõme nde potyjera
Oikuaa haguéicha pyhare ru’ãme yvate hendýva
Yvypóra pype ijaha lucero ha nde hendyha.
GASTÓN CHEVALIER PARIS
(EZEQUIEL GONZÁLEZ ALSINA)
EMILIO BOBADILLA CÁCERES, música.
Fuente:
ANTOLOGÍA DE LAS MEJORES POESÍAS EN GUARANÍ.
Selección e Introducción: RUDY TORGA
Editorial El Lector,
Asunción-Paraguay, 1998 (pp. 214).
(Hacer click sobre la imagen)
ENLACE INTERNO A ESPACIO DE VISITA RECOMENDADA
(Hacer click sobre la imagen)