ROJAS SILVA RECAVO
Polca de EMILIANO R. FERNÁNDEZ
ROJAS SILVA RECAVO
Yacu'éke paraguái oguajhëmaco la hora
yajhamívo yajheca ROJAS SILVA retecue
ñavengáne catuete umi cobarde oyapóva
anichéne opuca guaicuru ñande rejhe.
Tajheya che ru che sy, tajheya opa ajheyáva
co che patria rayjhupape tamano yepe chave
cóicha oïramo en peligro seriamente amenazada
aipota voi che renói aservi jhaguä ichupe.
Naiporäi esta amenaza sapucái en la frontera
umi cobarde asesino guaicurúpe jheropy
yaipyso catu en el Chaco tricolor ñande bandera
jha iguype yaye'ói umi intruso ñamyendy.
Yayapi SORPRESA lado ROJAS SILVA upépe oiméne
ñane hermano infortunado oyeyucava reiete
ivengávo co yajháta ñaguajhëne naguajhéne
jha yarúne ave co'ápe mas que sea icanguecue.
Paraguai rejhe oyapo umi indigno co oyapóva
ojhecha vaerä avei icastigo umi ava
ñaguajhëne aipo LA PAZ pe tesoro la osoróva
yajhapyne umi salvaje: ROJAS SILVA ña venga.
Aretéma umi pombéro ñane aperejhe oicóva
ñanda'o cada co'ë ñane pichäi manterei
jha co'agä omboyo'a con el crimen oyapóva
ñane hermano oasesina ñande yvype catui.
Jhapa péicharö ñande ñane tïndytante yaicóvo
ñaimo'ä yayeco'ÿva suficiente corasö
maeräpa mbocaita yaipota rei aipórö
ñaimo'ä catu mitä CHAKE CUCU pe nte yaico.
Tecotevëma ñañemöi yaicuaáva el patriotismo
ñambopyajhu yevy jhagua cu picada yma guare
icatu ñaimemimi heredado de heroísmo
anichéne ñamotï cu GUARANI ñande ypycue.
Ipochyne umi tuya LOPEZ CUE opyta reirö
amoite SORPRESA ñúme pe tuguy oñejhë vaecue
iporänte yaye'ói jha pya'e ave icatumirö
yayujhune gueteri ROJAS SILVA ruguycue.
Ore renói catu hermanos para este sacrificio
ore yïva na icanguyi si es la patria oicotevë
oimejháicha paraguayo rojhura a su servicio
como nieto de los LOPEZ romanóvo jhendive.
ESCUCHE EN VIVO/ LISTEN ONLINE:
ROJAS SILVA REKÁVO