HEKOVIA TECHAGA’U

Letra: MAURICIO CARDOZO OCAMPO

Música: EPIFANIO MÉNDEZ FLEITAS

Hekovia techága'u

pore'ỹ puku rire

hasype péina ikatu

rohecha jey

nde che vallemi.

Py'a rory, tetia'e

che korasõ omokyryĩ

añandu ipiro'y

angata vaígui

che rekovemi.

Ka' aguy ha ñu pórã

che resa ombohory

opurahéi ñakyrã

ha umi guyra'íma

katu oñe'ẽ,

yvága ja'e hese...

ndaiporivaráĩ

che valleichagua.

Ynambu guasu oñe'ẽ

mombyrýgui ñahendu

yvytu pórã oipeju

ha hyakuã niñoasote

yva mbopi hi'aju

aratiku ñu he'ẽ asyete.

Heta avei tetãgua

mombyry chéicha oiko

hi'ãnteva sapy'a

huã'i omondoho

pore'ỹ'etaite.

Kuñataĩ ha mitã

kuimba'e katupyry

ñane retã rembiayhu

te'ýi teete

ñemoña pore.

Péina ñande tricolor

yvytúndi isaraki,

hi'ãntema ojupi

kuarahy jave

pe amo yvatete

ha iguýpe tañandeaty

jaikuaa jey

ku vy'apavẽ.

Pore'ỹ puku rire

tosẽ taneruguaĩtĩ

nde symíndive nde ru

nde ryvy, nde ryke'y

ne reindy ha nde jarýi

taneañuamba

ha nemokunu'ũ.

ESCUCHE EN VIVO/ LISTEN ONLINE:

HEKOVIA TECHAGA’U

Intérprete: CONTRAPUNTO

Material:  LO MEJOR DE LA MÚSICA PARAGUAYA

Material: DÚO CENTURIÓN FERREIRA

Solista: ELVIS BALBUENA

VOLUMEN 8

Actualización: Marzo 2022