ÑE’Ẽ - POEMARIO EN GUARANI PAĨ, GUARANÍ PARAGUAYO Y CASTELLANO

por GREGORIO GÓMEZ CENTURIÓN

(PARAGUÁI RE’ÝI. CHOKOKUE HA PAINGUÉRAGUI HENDUPYRE.

KUÑA HA KUIMBA’E, JEGUAKA HA JASUKÁVA REMIANDU)

Angekói rokypu

tyvyrakuéra Tala’ýto ha Papuláta pe.

Pedro Juan Caballero, 4 de julio de 1983

 
Mitã’i saraki mbirikípe reiko

nde rete kyre’ỹ ndaikatúi rejoko.

Reguapýta rangue reñani, repopo

ha upeícha reiko ha reju ha reho

ikatúmora’e nde rekógui kyre’ỹ aipo’o.

 
Tetãpýre heta mitã’i nde jave:

porandu, jeheka, kyre’ỹ, kuaase,

hembipe ramoguáicha tetãyguára añete

katu oiko tembiapo oha’ãva omoinge

pene’ãme avei, kirĩrĩ, kyhyje.

 
Upevére ke nde anianga ne kangy

ha ko’ẽre uvei nendive nde ryvy

ojopóre peiko nde ri’y, ne reindy:

peñandu, pejo’o, pehetũ, peguyguy.

Kyhyje, tesahũ, pypuku peñotỹ.

 
Ne ñe’ã mbohory angekói rokypu

nde rova pukavy ndepy’amombe’u

mbirikípeke eiko terehóke ha eju:

eipeka, eipepi, ehecha ha ehendu,

eipykúi ipukúva tape, emoasãi mborayhu.