JHECHA RAMOMBY
Canción de
EMILIANO R. FERNÁNDEZ
(Enlace a datos biográficos y obras
En la GALERÍA DE LETRAS del
www.portalguarani.com )
.
JHECHA RAMOMBY
Peteï ca'aruete co aguapy che rogaguýpe
oketépe añemoï jha ojhasávare ama'ë
carretero jhysyi yoáva jha cuña jhory jhoryva
che rovái rupi ojhasavo che mbo adiosva yoaite.
Amboyo'a co che cupy mboraijhu regaloite pe
ajhapy peteï cigarro amotimbo pocä mimi
ayoca che cuatia jha aipyso che renondépe
jha uperë yave ajhecha ndaicatúiva ajhechagui.
Cabayu rocillo ári ndajha'éi vaicha yvy póra
….. cuarajhy resë tytyicha
….. umi jhesa oyayaipa.
Iporä jhante nda'epái... oime vointe oguerecóva
….. Pe Tupä remimbou
….. ajhecháva angaipára.
Ndajha'éigui retratista ndajheyái che cuatiáre
….. jha'anga minte yepeve
….. che pojhéi arecojhagua.
Jhacuangue mante opyta opoñy che pyti'áre
….. cu amano mbotajhára
….. che yujhéi mboguejhara.
Isombrero piri mico jha oyecucuajha ahomime
….. jha jhi'áva ñañopë
….. pe jhumbyre oñatimói.
Pynandi co la che ama añete ocaragua míme
….. jha jha'éicha iporängue pe
….. naimo'äiri oime mocöi.
Mbya cuera nico jhe'iva Santorä santo paitema
….. péicha rupinte che nda'éi
….. Tupäsy mba'e jhese.
Jha yvy póra jhecopyrä, icatu aipo aguajhëma
….. cuña porä pajha rechávo
….. che acati jheñói yave.
Jhesemínte che ajhóva añembo'e curi Tupäme
..… ajhecha jhagua che képe
….. jhogami rape po'i.
Poñyjhápe cu mitäicha aguajhë jhagua jhendápe
….. ayerure tupämba'ëro
….. imborayjhu pejhenguemi.
Che resapénte oicóva jhi'angue che mbotavýva
….. jhyacuángue che retepyre
….. che ruguyrejhe oñani.
Jhopea yaspy cucui jha jhesa mimbi jhoryva
….. añandu cuejhe guaréicha
..... che corasö omopirï.
.
Fuente:
Recopilación: MARIO HALLEY MORA
y MELANIO ALVARENGA.
Asunción-Paraguay 1991.
.
|
