CO’APE CHE AVY’AVE

Canción de EMILIANO R. FERNÁNDEZ
 
 

.
CO’APE CHE AVY’AVE
Co’ápe che avy'ave
Paraguay rupi guágui
ndo'ái tata che reságui
jheco guapy che rete
vaípe aicórö guare
ndajhechavéi ni che képe
maymaröite che rapépe
jhokypu vy'a pave.
 
Ñandeyára nte ra'e
che sambyjhy che rerúvo
che recove ambo yvytuvo
aña raitýgui aveve
Yma ymave guare
teco asycue che reyáma
veneno rycue jhypáma
che monga'u mi vaecue.
 
Co'ape co che ajhendu
música  pu memetéva
umi guyra oñe'ëva
oguerúva pytu'u
oime "Macagua" arandu
jha umi yacu teta cuáre
ococore oga yerére
jhesacävo co'ëyú.
 
Icangymíva yvytu
oúva amo mombyrýgui
ogueru ca'aguy pýgui
obrajero jhacha pu
kyre'yn me ñajhendu
tapicha ojharyvóva
umi yvyra iporo'óva
oipotágui upe "viru".
 
Toldo pe cu pyjhare
guaicuru opurajhéiva
"chicha" jho'úro ndokéiva
osavaipo yoaite
iñapesämba oyuejhe
jha oyeroky umi cuñáva
yama oime omopararäva
pe guazu pysäpëngue
 
Jha sábado ca'aru
ca'aguygua osë ocápe
iyatypa carrería pe
jha oico cu talla ayvu
yama oico mbaracapu
yeroky catu ipajhápe
ico'ë ñemongetápe
chaqueña ra'yrusu.
 
Guajhógui ojhua'imbaite
oï  jhaguéicha estanciero
alambrador jha aserrero
tova atäva meme
cuña apytépe toike
toyerokýke la ipúva
ya jhecháma omombe'úva
Salomón recove cue.
 
Co'ápe che avy'ave
ambiriki che resäigui
umi mbopi jha piräigui
mombyrýma ayere
Florida pe ma aime
yvága pype ro guáicha
co'ëre aveve guyráicha
che tyre'ÿrö yepe.

 

.

 

 

 

ESCUCHE EN VIVO/ LISTEN ONLINE:

KO'ÁPE CHE AVY'AVE de EMILIANO R. FERNÁNDEZ

 

Intérprete:  JUAN CARLOS OVIEDO