MBORIAJHU MEMBY

Letra de EMILIANO R FERNÁNDEZ

MBORIAJHU MEMBY

Ymaite guivéma apurajheiséva

ayojheichagua che py'arasy

upévare aga péina ambojhéra

verso chu'imi mboriajhu memby.

Ituya co mundo oyero'aitéma

opaite mba'éama iñambuepa

riconte opuca mboriajhu jhasëma

upéichama ojho co ñane retä.

Mboriajhu memby jhembiapo porárö

ndaipori vaerái yejhecha cuaa

jha rico ra'ÿ itie'y imondárö

diariope osë jhi'arandujha.

Mboriajhu memby jhi'arandumírö

yajheijhárö oicóne omanopeve

jha rico ra'y tabyron colirö

péva carai mba'e guasuete.

Mboriajhu memby toico mba'apópe

opa jhesasëne ocarujhagua

jha rico ra'y yevy'a saingópe

mboriajhu ry'áire oñemoyvatä.

Mboriajhu memby oicóne soldado

cuartel rembiguái tucumbo rupa

jha rico ra'y ojhóne becado

co'ërö jhetäre opu'ajhaguä.

Mboriajhu memby Chacope ojhopáne

movilización oye'evove

jha rico ra'y autope oguatáne

cueráigui ogueyïne oye'ói oke.

Mboriajhu memby oporojhaijhúrö

catuete oiméne idefectojha

jha rico ra'y yepe jhesatúrö

upéva che novio jhe'i umi cuña.

Mboriajhu memby caria'y porärö

jhembirecorä jhasýpe oyujhu

jha rico ra'y yepeve iñepärö

chupénte osavi la ta'yrusu.

Mboriajhu memby guarami jho'úrö

ca'iräime ojhóne voi jha pya'e

jha rico ra'y litro oisyrycúrö

acä pararrayo ndojhechaiete.

Mboriajhu memby oñepysängárö

jhese tajhachi ivua cha'i vaerä

jha rico ra'y ca'úgui jho'arö

lepoguasu cuéra omo'ä mo'ä.

Ivai co mundo ituya paitéma

mboriajhúgui opáma ivy'a pavé

ricopeguarä mante jhenyjhëma

ivosápe cuera ñande ry'aicue.

ESCUCHE EN VIVO/ LISTEN ONLINE:

MBORIAJHU MEMBY

Intérprete:  ÑAMANDU

Material: CRECEREMOS

Fuente:

CANCIONES PARAGUAYAS DE AYER Y DE HOY - TOMO I

Recopilación: MARIO HALLEY MORA

y MELANIO ALVARENGA

Ediciones Compugraph,

Asunción-Paraguay 1991 (192 pág.)

******

 IMÁGENES DE NUESTRO HERMOSO PARAGUAY

Fotografía de FERNANDO ALLEN