Portal Guaraní - YVOTY MEMETE - Canción de EMILIANO R. FERNÁNDEZ

YVOTY MEMETE
Peyáke mitarusu
ta'yre mayma peiméva
peë oñembokisetéva
che rembiasa pejhendu
ndajha'éita jhína yapu
jheracuäva che yurúgui
ni aipo ñe'engatúgui
ápe ayúva amombe'u.

Che caria'ýpe vaecue
rasa che guata catumi
jha cuñame ajhayjhúgui
iñapatï che acärague
che retépe jhenýjhete
pere opaite icurusúva
umi cuña ajhayjhúva
tucumbo rapycuere.

Che acä vai ypyjhague
Ricarda, Evarista, Obdulia
Pilar, Valentina, Julia
Cecilia jha María Inés
jha Agustina uperire
jheséma che acaracúro
aipo añete ajhayjhúro
tayeruréye jhese.

Martina mi iñiruete
Eulalia jha De las Nieves
oyeyrúmiva chéve
chendivénte oñe'ëse
Crescencia upeichavove
mamo reíma jhenóiva
Irene ndive oñuatöiva
jha oñomocua cherejhe.

Gervacia anga itarova
ñaimo'a cu oyeyapóva
che recháre oyajhe'óva
jha jhe'i che rayjhujha
che acóinte ambo aguara
Generosa jha Ernestina
Hortensia, Clara, Ursulina
co'a aña mbaraca.

Zoraida che rapyete
Eligia jha Bernardina
Hilda, Remigia Estelvina
Florencia jha Salomé
jha'ecuéraicha oicose
Lucia, Natalia, Elvira
Celia, Alicia, Casimira
jha Ofelia che yucaite.

Deidania porä ryru
Rosaura, Alice, Enriqueta
Presentación jha Anacleta
jha Elva marangatu
Deolinda avei ayujhu
angaiparä che rapére
jha py'a mbyte
oico María de Jesús.

Remigiare jhaimete
che yurupu ajhasavo
aco che renoiucáro
Eugenia che yva jhe'e
pyta ryrýipe aguajhe
ajhetumi Evangelina
Efigenia jha Margarita
upévare che mose.

Upeguive che muña
Encarnación jha E1isa
Troadia jha Basilicia
ose che renonde'a
Ramona anga ojha'amba
ondive che reyaségui
jha Petrona itakycuégui
perö pepópe opytá.

Garrote púpe co aico
che aca yoca Cipriana
Agripina jha Robustiana
jheta rasa che ya'o
ñe'engaipe che mombo
Adelaida jha Fulgencia
Braulia, Casila, Fidelina
jhaimete che mosaingo.

Che py'a ombo tarova
Cirilia, Casiana, Marta
äva oscribi chéve carta
oipota catuete ajha
guembepípe che pycua
Rafaela jha Genara
jha ombogueyï Ñandeyára
ndoipotáigui ajheya.

Wenceslaa ye oime
omyataindy el demonio
jha omosaingo San Antonio
mendajhyígui jhasyete
ajhendu avei cocuejhe
che moñujhajha Costancia
Guillermina jha Venancia
oyapóta jhicuái paye.

Pe ñujhäme jha'a mboyve
nga'u oguajhe Cayetana
Eulogia, Sinforiana
jha Isailda tenonde
péinama catu oguajhë
Antonia jha Magdalena
Natividad jha Elisena
che añuávo irundyve.

Jheta rire oñeñupa
jha ayeya co yvy apére
pejhecháta jhína che ykére
petei che rayjhujha
Tupa catu toipota
co yvy jha yvága yára
tayura Dominga Jara
che irurämi aicove aya.

.