CUÑATAÏ
Eguapýna che reindy
sapy'aite ejhendu
peteï ñe'ëngatu
ndéve guarä jherupy
che ägape co otyky
eirete añandu porä
che vy'a yn oyora
ne angue che Tupäsy.
Pe ne ryacuä pacholi
jha nde rete ñembo'y
jhendápe nardo poty
oguajhëvo co'ëti
nde resa jhü omimbi
azabache jha'ete
nde tyvyta iñapopë
Tupäsy cuñataï.
Nde pygui ne acämeve
jhi'äite aropurajhéi
jha añe'ë ndaicatuvéi
pe tavy tuicahite aye
reínte amomoräse
ne ñe'ë jha nde puca
apytáva che canguypa
ama'ërö nde rejhe.
Payépa che reindymi
nde ropea angaipa
ayevérö ä che resa
ndaipe'avei nde jhegui
ayéipo nde yurumi
ajha'a ramo catu
apytáne che ñe'ëngu
vy'águi cuñataï.
Nde ava mi jha'ete
rosati poty yera
jha granada ayu pytä
upeichaite ne rembe
jha rosa morotïete
mosqueta pe icuaapy
upeichaite che reindy
iporä nde recove.
Ne acä ari cambuchi
toñua araza poty
jha ycua rapére egueyï
nde guata coni coni
nde yuru guavirami
opucavy tajhecha
jha ipurajhéipe guyra
ta nde aty cuñataï.
.
ESCUCHE EN VIVO/ LISTEN ONLINE:
CUÑATAÏde EMILIANO R. FERNÁNDEZ
Bibliotecas Virtuales donde se incluyó el Documento: