IKATÚ VA'ERAPA - Música de ALEJO BENÍTEZ

IKATÚ VA'ERAPA

Letra:  CARLOS FEDERICO ABENTE

Música:  ALEJO BENÍTEZ  - ADOLFO ARREGUI

IKATUVA´ERÂPA

A Agustín Pío Barrios "Mangoré"

avaite hekópe, yvytu pepóre

yvóra rapére, mbaraka pyahême

omomba´etéva tetâ pumbasy.

Ikatuva´erâpa ku che kepeguápe

ipoty kurúva hi´âite guive

apáy javemívo oguahê hi´ára

ha ijapyra endyma mborayhu rata.

Ikatuva´erâpa ñande pyporépe

jahecha katu jajavyva´ekue

ha torypa´ûme arandukuaápe

ko ñane retâ ñamomba´ete.

Ñemyrõ ohasárô tape ipotimbáne

jaipyapy vy´ápe toguahê arete

ko´ê pytangy ku iguata katúva

porayvosetégui péina itenonde

ñañembyatypána ñane retâmíme

ha py´a guasúpe ñamombarete

toguahê jasyndie kerasy ipaháva

ha kuarahyetépe jajohesape.

Fuente:   ÑEMITỸ, ANTOLOGÍA POÉTICA

ESCUCHE EN VIVO / LISTEN ONLINE:

IKATUVA´ERÂPA

Intérprete: GRUPO GENERACIÓN

Material:  NOSTALGÍA AREGUEÑA I