AIPOTA y ANIVE
Poesías en guaraní de MAUROLUGO
AIPOTA
Cherendu tekove,
aipota cherendu,
cherendumínte
aipota.
Taipyso
che pepo
taveve.
Asẽse aguyguy.
Asẽse aveve.
Tekove.. .
yvypýrõ aikose.
Arai hũ sunu
che pepo
tomombia.
Tapendy
kañymby
tojevy,
tokapu
che pype.
Ndaipotái che ruguy
opupu ha hypa.
Cherendu, cherendu
ha’eve manténa
ndapysa remboty.
Chereja taveve,
taveve,
taveve.
ANIVE
Anive reikutu
hendy akuáva
jahéi che rehe,
anive,
anive.
Anive reñohẽ tesay
pororo
chehegui.
Anive che rova
oipyte,
omokõ
ñembyasy.
Anive chembokua,
chekytĩ.
Anive reipoka,
rejuvy che ruguy
syry poty.
Pytúicha tove tojevy,
totiri,
tokapu
mborayhu.
Fuente:
ÑE’ẼPOTY ATY – VOCES DE POETAS EN GUARANÍ
Por FELICIANO ACOSTA y NATALIA KRIVOSHEIN DE CANESE
Editorial Servilibro,
Asunción-Paraguay 2005
ENLACE INTERNO A ESPACIO DE VISITA RECOMENDADA
EL IDIOMA GUARANÍ, BIBLIOTECA VIRTUAL en PORTALGUARANI.COM
(Hacer click sobre la imagen)
![](https://www.portalguarani.com/userfiles/images/ESPACIO-IDIOMA-GUARANI-PARAGUAY-2-biblioteca-virtual-portalguarani.jpg) |