PATRULLERO
Poesía de
EDUARDO R. PAREDES
(Enlace a datos biográficos y obras
En la GALERÍA DE LETRAS del
www.portalguarani.com )

.
PATRULLERO
Cuimba'e marangatú
reicoveva yvy ari
asë ñande guerrajhagui
peicha anga reyú vaecué
ndé avé nimbo ra'e
ñande patria rayjhupape
amoité Chaco ruguape
opytá ne pejhëngué.
 
Cuejhevéntemi yaicó
yaguyguy pe ñáñandyre
cañadón jha ca'aguyre
jhetaité ñande y’ujhei,
che mandu'arö gueterí
cu picádare yajhárö,
cho bolí ñamoñujhävo
yaguatá jha nda yakei.
 
Peichajhagui ñajhendú
amó cuarajhy reikevo
cu reténre patrullero
yajhá vaera ñandavé
ochocá co'é yavé
ñamoirü ichupecuera
y atropellá trinchera
remangeräicha yaiké.
 
Ñande resarairi voí
oimejhá aipo la muerte
tatatiná apytepe,
umí asalto yavé
acäracú rejhevé
y ajhasá encrucijada
aipó cañón ni metralla
na ñande yocói vaecué.
 
Pe'a ejhágui reí
upéguio yayuyeÿva
jhetá ojhechave'ÿva
co'äga yvy'a jhagué
mbovymíntema ñaimé
iyapyteré cueteva
añeté añoirunguera
Chaco pýrejhe guaré.
 
Jhetamí ñane irungué
omanó ñorairöjhape
jha amó Chaco ruguape
opytá ñande jheguí,
Jha ñande nico aveí
ñacumplipá poräitema,
maymá paraguayo Tema:
Upe ¡VENCER O MORIR!

.
Dedicado a "YACARE VALIJA"
Eduardo Ramón Paredes

.

Fuente: ESCRITORES Y MÚSICOS DE LA ÉPOCA
DE LA GUERRA DEL CHACO
Autor: CANCIO GIMENEZ,
Ediciones Intento, 1987 (212 páginas)

.
Visite la GALERÍA DE LETRAS

del PORTALGUARANI.COM

Amplio resumen de autores y obras

de la Literatura Paraguaya.

Poesía, Novela, Cuento, Ensayo, Teatro y mucho más.