Ehendu mitãkuña ndéve aru che Tupasy
Paraguay ñe’epoty mbaraka moirû arami
Nderovái tañesumi ñaimo’ãiko rejahéi
Ajuháre apurahéi amombe’u che mborayhu
Che korapy ombojeguapa pe ysyry
Ha’e ipotî ha ho’ysã ha upéi hovy
Hory joágui hendive guyramimi opurahéi
Ika’aguy yvasaité ndaijojahái
Kuarahy’ã ha eirete chugui ndopái
Ha jeruti ohechauka jehavi’u
Ha ñanembo’e joayhu
Che recháre okaraygua reimo’ã che mboriahu
Hepyvéva mborayhu che ñuãme aikuave’ê
Ne mba’e che rekove ha che róga kapi’i
Mainumby ha panambi oumi ha ojeroky
Kavajumi reiko haguã che apýri nde
Yvotymi ha imbohupa korochire
Oime areko che rogami
Ne ra’arõva avei
Pe yvytumi pe ka’aguy ryakuã ogueru
Tembireko syva potî nga’u omoirû
Ha nde resa tohesape che rekove
Ha che tapýi rory
