GUARAMBARÉPE ĜUARÃ
y TEMBI’U PARAGUÁI
Poeta: VÍCTOR FERREIRA
GUARAMBARÉPE ĜUARÃ
Ha che valle roryete
vy’a raity he’iha
rohechavarãmbo che
remimbi ha no porã
heta rire ajevy
takuare’ẽ aipyteségui
che rogami pepo guýpe
chetyre’yrõ jepe.
Che karia’ymi vovénte
mombyry ahava’ekue
upévare ndaikatúi márõ
chehegui nde pyhare
rohenói Guarambaré
mombyry, mombyryvégui
ne mostomi ha’uségui
opa chehegui jeke.
Aje niko iporãite
Umi takuare’ẽndy
Oipyhýva oñomi
Yvytu ha ysapy
Ha upéi ajapo chugui
Guyra ñe’ẽ ha yvotýndie
eíra he’ẽinbochýva
ñane apytĩva voi.
Apeve amoñe’ẽta
che korasõite guive
mayma porã rerekóva
la Natividad ndive
romomorãségui che
apurahéi mbarakápe
nde Barrio Alegre guive
ha Che Valle Guarambaré.
TEMBI’U PARAGUÁI
Toryeta vy’apavẽme
jaguero’ayvu jasapukái
San Francisco ára ko’ẽme
ñane rembi’u Paraguái.
Hetéva vori vori, so’o apu’a jopara
mbaipy so’o, kũmanda, rora kyra ha mbeju
aipotánteko peju pe’umi locro ipokue
fariña kyra hendive ýrõ ko chipa guasu.
Ejúke ndave che irũ he’umi ko jukysy
so’o josopy, so’o ku’i, avei ipokue mbaipy
chicharõ, chipa apu’a, mbaipy avati ha hu’i
chipa so’o, mbusia, hendive, arro kesu.
Vokóike ja’u avei, lambreado so’o piru
chipa avati so’o ha upéi ryguasu ka’ẽ
pastel mandi’o aku, chicharõ hu’itĩ, chicha
rehechámapa che irũ, heteha ko’ã mba’e.
Ja’úke lo mitãnguéra, sopa paraguái turnbykua
pajagua mascada, avati mbichy, chipa avati
kavure, chipa asador ha lopi, mandi’o,
jety mbichy, mbokaja ha manduvi, hendive kãmby aku.
Ja’umíkena avei, kiveve, kosereva, kaguyjy, mbaipy he’ẽ
manduvi eíra, perera, eíra kesu, rora kãmby
pejuvérõke peju jakay’u ka’ay mbokaja
anichéne itapykue, paraguáiva tembi’u.
Aje niko iporãite, maymáva che retãygua
ñane rembi’u yma, oje’úva áĝa peve
aníkena jaheja oiko chugui tesarái
tatakua ñambyakukuévo ñambovíva Paraguái.
.
Mención de Honor;
concurso de poesías en guaraní, organizado por
"Kay’uhápe", en el Canal 9 TV Cerro Corá,
Radio Ysapy FM 90.7 y APA. Año1996.
.
Autora: DELIA PICAGUÁ BORDÓN.
Asunción-Paraguay, noviembre 2009.
.