JIMÉNEZ R.
 (Enlace a datos biográficos y obras
En la GALERÍA DE LETRAS del
www.portalguarani.com )

 

 

CHE SYMÍME PURAHÉI
 
Heta ko’ẽ ha pytũma arapýre aguyguýva
che symi nemara’ỹva, aheka ne kunu’ũ
ha mamo che rekoháre mba’embyasy chejopýva
omboypí che rekove ha omboyku che apytu’ũ.
 
. Yma ku chemichĩmíme
. nde reguy heta amboy’u
. tory ha ñemochichĩme
. nde rehémi che akambu.
 
. Tesaýpe ambojahúmi
. nde pyti’a che symi,
. pochy rãngue cherupími
. ha cheañuã mbeguemi.
 
Péina áĝa arapýre chañomíma apytáva
tesaýpe amboykuévo hatĩmbáva che rape,
che symi nde rehoitéma tyre’ỹme cherejáva
ha mamópa ajuhuvéne cherayhúva ndeichaite.
 
Péina áĝa ñesũháme ha jahe’ópe aikóva
yvotyeta aipo’óva nde kurusu ambojegua,
nde tyvýre ajakuévo ñembyasy cheakãjo’óva
ha opororo che reságui ipyahúva mandu’a.

Blas Ramón Jiménez R. 
 
 .

Fuente: LAS CIEN MEJORES POESÍAS EN GUARANÍ . Con nuevas incorporaciones y grafía actualizada. Por PEDRO ENCINA RAMOS y TATAJYVA. Asunción-Paraguay 1997 – 425 páginas.

.

Visite la GALERÍA DE LETRAS
del PORTALGUARANI.COM
Amplio resumen de autores y obras
de la Literatura Paraguaya.
Poesía, Novela, Cuento, Ensayo, Teatro y mucho más.