CIRIACO CARDOZO (+)

 

Obrero, músico y poeta.

 

«Sus poesías, dice de él Rudy Torga, permanecen inéditas... En cada una de ellas late una profunda verdad».

 

Ko’eyu poty kuru
oyekavojhesakava,
imimbi ku iñasaiva
arapy ojhesapepa.
Jha jhyakua pyajhu pora
yvytúre ñajhetuva.
Tetia’e jha’e oguyrúva
omba’apovape guara

Omyangekói okaraygua.
Kokuerero oñeñandúva
torypápe o ye’óiva
omopotí jhemityra.
Yavoráiva kaysa
kyre’yme oiguyrúva,
ko’erogua oñotyva
oipota rupi ipora.

Jhetaitéma yajheipópe
tapicha kuéra oikóva.
Jhy’ái kuerape oyajhúva
kokuerero mboriajhu.
Omuñava pytu’u
jheruguarejhe oñañyva.
Ku po’a nda ikatúiva
mba’evéicharo oyujhu.

Mba’ejhapa iñarándúva
po’a rape oikuaáva,
kokueguágui iñipytuva
ndaikatúi omysaka.
Taipoty kuru yera
py’aguapy yvy ári.
Topytu’u angatágui
chokokue che retagua.

 

Fuente: El trino soterrado. Paraguay : aproximación al itinerario de su poesía social. Tomo II - Autor: LUIS MARÍA MARTÍNEZ - Edición digital: Alicante : Biblioteca Virtual Miguel de Cervantes, 2002 N. sobre edición original: Edición digital basada en la de Asunción (Paraguay), Ediciones Intento, [1986].