|
|
|
 |
Datos biográficos:
ISIDORO ECHEVERRÍA (1913).
Sus primeros versos datan de 1930.
Publicó numerosas poesías en las revistas populares
MBA’APOJHARAPE GUARA
Coine aga aipyajhá
ñe’e yvoty ayapó,
che apytu’u ayo’o
ajhenducamí jhagua
mba’apojharape guara
che py’aitégui ajhayjhure,
cu cane’o no ñandúire
co teta mopu’ajhá.
Nasejhape yajhechá
oñuambá cogaty
jhi’a yoá jha ipoty
omuasai vaecué Tupa,
yvypórape guara
anivé py’a sosó
ñanderejhé oyaitypó
tayarecó tyvata.
Co’emboyvé opu’a
pucavy jha tetia’epe
nerembiayjhú ndie upepe
cu mitaicha reyuechá,
oyatapy cacuaá
jha oyapó py’a etema
yaí rycué repytema
ca’ay acú pora.
Vacá paráma tererú
jhi ure jhacaiyapava
toñamí ne aga yara
jha ipó guivé emboy’u,
toí pypé curatu
anis, canela jhyacuava
jhe’e, iyasucapava
jha opipe’ava aca ryapú.
Naranja ocucuipá,
pera, manzana, parral,
arasá jha aguaí
jhe’e asyva yvá,
toicoke coserevá
ta jhenyjhe mba’yrupe
jha oropoyai nde ra’ype
ta iyaguará pe cuñá.
Ndaicatui cu ya’epá
co teta oguerecova
Paraguai rejhe opova
ndaiporiveima vaera,
ipypé cu jhembypá
opaichaguá vy’arava
oicové jha opu’ava
oñangapyjhy jhagua.
Rovy’a nderejhevé
rojhechá pe reisu’uva
jha mborayjhú reñanduva
ne ñe’a renyjhengué,
jha tapichá nde yavé
cuimba’e jheta rayjhuva
co’evere oipycuiva
yayapape oñondivé.
Zeballos-Cué, 23-II-75
Fuente: El trino soterrado. Paraguay : aproximación al itinerario de su poesía social. Tomo II - Autor: LUIS MARÍA MARTÍNEZ - Edición digital: Alicante : Biblioteca Virtual Miguel de Cervantes, 2002 N. sobre edición original: Edición digital basada en la de Asunción (Paraguay), Ediciones Intento, [1986].
| |
|
 |
|
| Buscador PortalGuarani.com de Artistas y Autores Paraguayos
|
|
|
|
Portal Guarani © 2021
Oficina: Asunción Super Centro - Gral. Diaz entre 14 de Mayo y 15 de Agosto - Local 372, 2do. Piso
TeleFax.: 451-486 - Contacto: info@portalguarani.com
PortalGuarani.com en fuente oficial de informaciones e imágenes del Paraguay para Wikipedia.org
Asunción - Paraguay - Proyecto Desarollado por Apunto
|
|
 |
|
|
