IMOMORAMBY - Música EMILIO BOBADILLA CÁCERES

IMOMORAMBY

Polca

Letra: CRISPINIANO MARTÍNEZ

Música: EMILIO BOBADILLA CÁCERES

IMOMORAMBY

Ku mbyja ka'arupy osẽva ha'eñomi
Upéichaite remimbi neporãgui che reindy
Ahecháva pytũmby torypaitépe resẽ
Yvotýpe rejegua ndijavýi ku tupãsy.

Nde nova pytãngymi nde pire katu kamby
Ha nde áva hũ asy, oñeñopẽ jovaimi
Nde pyti'áre avei hi'aju atã asy
Angaiparã che reindy ku mokõi yvamimi.

Ha'ete ku túna aju, pe ne rembe pytãite.
Hesénte amano mboyve hi'ãva chéve akambu
Nde reko imarangatu, pykasúpe ha'ete
Kunu'ũ raity meme, ne ñe'ẽ música pu.

Repukavývo hory nde resa hũ veraite
Ha ojeka umi ne rembe ñaimo'ã rosa poty
Ha umi jasy kypy'y nde tyvyta mokõive
Ikarapã porãite, ¡Ko mba'e imomorãmby!

Ho'a vove pytũmby pe che rokárape asẽ
Ha ama'ẽvo nderehe añandu cheangapyhy
Hi'ãntepa tupãsy nichomíme romoinge
Ha upépe ndéve añoite che mborayhu taipoty.

Maymárõ porãku'i nderehénte ijatypa
Ha yvypóra angaiparã Ñandejára nemoĩ
Che po'anga'u heñói, pe Tupãme ajerure
¡Chemba'erãnteko che, roipota kuñataĩ!

ESCUCHE ONLINE:

IMOMORÃMBY

Intérprete: LUZ AURORA

Material: CANTO Y SENTIMIENTO - Volumen 2

• MÚSICA PARAGUAYA - EN VIVO - MÚSICA PARAGUAYA - POLKAS Y GUARANIAS (PARA ESCUCHAR EN VIVO)