ACO ÑANE YNAMBUMI

 

Ne mandu'áva pa nde
acóina aco ca'aru
che guatajháguio aru
Tupä rymba poräite
ñujhäme yeity pyre
guyra ñu para'imi
aco ña ne ynambumi
yajhayjhuetémi vaecue.

 
….. Mocöive paco yaico
….. ña ñombopópe jhese
….. ñajhetü ñamoñe'ë
….. cu mitäicha yareco
….. jha jha'e pe icorasö
….. jhasy mi vaicha ichupe
….. oiméne ni cu ra'e
….. jhi'aguígui pe imano.

 
Upéinte paco ico'ë
icangy jhasy catu
jha repáyma reyujhu
tupa guýpe jhe'öngue
oime vaecue umi jhague
rembyaty reñongatu
jha rejhupi rejhetü
ne rymbami retecue.

 
….. Tesaýpe paco ere
….. ojho ñande ynambumi
….. oiméne jhi'angami
….. yvágape ma oguajhë
….. jha upévante paco
….. che ambyasy nambyasypái
….. jha mocöiveva oyovsi
….. yaguapy ñane rasë.

 
Nde jhaguantema cuñá
resé rejho mombyry
remboy'ä mba'e mbyasy
che recove pe guarä
ñaimo'ä cu tyre'ÿ
amboy'u che resay
nde mborayjhu recovia.

 
….. Aco ñande ynambumi
….. ne mandu'áva pa nde
….. ne arambojhápe cuejhe
….. ayujhu jhague cuemi
….. anojhë jha ajhetümi
….. tesay pe amo ñe'ë
….. neremiñongatucue
….. mborayjhu rembyremi.

 

 

 

 

 

Fuente:

CANCIONES PARAGUAYAS DE AYER Y HOY – TOMO I.

Recopilación: MARIO HALLEY MORA

y MELANIO ALVARENGA.

Asunción-Paraguay 1991.

 

 

 

 

OTRA VERSIÓN DE "AKO ÑANE YNAMBUMI"

 Ne mandu'ávapa nde

akóina ako ka'aru

che guataháguio aru

Tupã rymba porãite

Ñuhäme jeity pyre

guyra ñu para’imi,

Ako ñane ynambumi

jahayhuetémi va'ekue.

 

Mokõivépako jaiko

ñañomom pópe hese

Mante ku ñamoñe’ẽ

ha mitãicha jareko

Ha’e pe ikorasõ

hasy váichante ichupe

Ha oiméne niku ra’e

hi’ãguÄ©gui pe imano.

 

Upéintepako iko’ẽ.

ikangy hasy katu,

Ha vokóima rejuhu

tupa guýpe he’õngue.

Okúi vaekue umi hague

rembyaty, reñongatu

Ha rehupi rehetũ

ne rymbamí retekue.

 

Ne rasẽpako ha ere

“oho ñane ynambumi”

Oiméne ha’e uvei

yvágapéma oguãhe

Ha upévantepa ko che

ambyasy, na mbyasypai

Ha mokõivéva ojovái

ko’yte ñane rasẽ.

 

 

Nde haguãntema kuña

resẽ reho mombyry

Ha remyasaÄ© vy’aỹ

che rekovépe guarã

Ko’agã péina apyta

ñaimo’ã ku tyre’ỹ,

Amboy'u che resay

ne kunu’Å© rekovia.

 

 Ako ñane ynambumí

ne mandú’ávapa nde

ne akãngytape kuehe

ajuhu haguekuemí

Amoñe’ẽ katuÄ©

ha che küguýpe ha’e

“Péicha vaeränte ra’e:

Mborayhu ogue avei”

 

 

Fuente (enlace al documento fuente):

TEODORO S. MONGELÓS – POESÍA.

Recopilación y edición: RUDI TORGA.

 Colección POETAS POPULARES, 1.

Tapa: MARIO CASARTELLI.

Editorial EL LECTOR,

www.ellector.com.py

Asunción-Paraguay  1996. 115 páginas